Kapiteni i Skënderbeut, Orges Shehi, ka folur dje në mbrëmje në RTSH në lidhje me fitoren e parë të kampionatit dhe ndryshimet në grupin e lojtarëve pas merkatos së verës.
“Për objektivat dhe strukturën është e rëndësishme për të zbritur në fushë për fitore dhe sidomos ndeshja e parë dhe 3 pikët janë të mira. Flamurtari të imponon respekt, ndaj dhe jemi të kënaqur për 3 pikët, por edhe që po ruajmë ritmin për Europë. Kjo është kryesore, që të mbash ritmin por edhe të luash në Europë.
Ikja e Latifit? “Sigurisht që Latifi është një lojtar me shumë vlera dhe që në momentin që ka ardhur ka bërë përmirësime të dukshme. Vitet e fundit u kthye në lider, por futbolli është i tillë dhe mënyra se si funksionon klubi ynë është që të mos varemi nga një lojtar. Ikja e tij është e mirëmenduar, pasi drejtuesit kanë ide të qarta. Në futbollin e sotëm kështu duhet të funksionojë, si te ne. Lojtarë ikin në klube prestigjioze dhe të tjerë vijnë. Por, e përsëris, nuk varemi nga një lojtar”.
SOUE – “Afrime te verës janë me vlera. Merkatoja është shumë e mirë e klubit. Soue po tregon vlerat e tij, është lojtar i mirë dhe po na ndihmon shumë. Eshtë përshtatur shumë mirë me grupin dhe ekipin, por edhe të tjerët, sa t’u jepet mundësia, do të tregojnë vlera.
EUROPA LEAGUE – “Ne ëndërrojmë të kalojmë grupin në Europa League. E kërkojnë drejtuesit dhe mundësitë i kemi. Nuk është thjesht një ëndërr, por është mundësi reale”, – tha portieri i Skënderbeut në lidhjen direkte për “Rubrikën Sportive” në RTSH.