Serbët nuk ndryshojnë kurrë, vërshëllima pa fund për Hysajn

Elseid Hysaj dhe Napoli i tij luajtën ndeshjen e parë në grupet e Champions League ndaj skuadrës së Cervena Zvezdës. Skuadra e Ançelotit nuk mundi që të marrë më shumë se një barazim pa gola në Beograd, në një stadium të tejmbushur.

Nuk duhet lënë jashtë vëmendjes se sa herë futbollisti shkodran kapte topin, stadiumi buçiste nga vërshëllimat e shumta. Për gjatë gjithë ndeshjes mbrojtësi kuqezi ka pasur ngacmimin e tifozerisë vendase, e cila e nuk e linte të qetë për shkak se bëhej fjalë për një lojtar shqiptar.

Në mediat kosovare është raportuar se në stadium ka pasur dhe brohoritje “Kosova është Serbi”. Sigurisht që nuk ka qenë një mbrëmje e lehtë për Hysajn, që rikthehej në Beograd 4 vite pas takimit që pati trazira mes Serbisë dhe Shqipërisë.

Leave a Reply

Your email address will not be published. Required fields are marked *