Sane te Bajerni? Rumenige flet hapur dhe sqaron hezitimin e së shkuarës

0

Prej disa ditësh në Gjermani lajmi kryesor i medieve sportive ka të bëjë me bisedimet që po ndodhin midis Bajernit të Mynihut dhe Mançester Sitit në lidhje me transferimin e sulmuesit Leroi Sane.

Së fundmi për këtë çështje ka folur dhe shefi i klubit të Bajernit, Karl-Hainc Rumenige. Drejtuesi i klubit bavarez u shpreh para medieve se bisedimet për lojtarin kanë filluar dhe bëri një kthim pas në kohë, ku shpjegoi pse Bajerni u step ta blinte talentin gjerman nga Shalke vite më parë.

“Do përpiqemi ta mbyllim këtë transferim. Nuk mund t’iu premtoj se do ia dalim. Sane ka qenë një lojtar që na ka pëlqyer gjithmonë, e kishim në plane ta blinim që kur ishte te Shalke vite më parë”.

“Atëherë situata ishte ndryshe nga sot. Nuk mund t’i garantonim minuta të mjaftueshme, pasi tri vite më parë Riberi dhe Roben ishin ende në maksimumin e tyre”, tha Rumenige.

You might also like

Leave A Reply

Your email address will not be published.