Armando Sadiku është në qendër të zërave të merkatos, pasi ditët e fundit është bërë publik interesimi i Rizesporit nga Superliga turke.
Vetë sulmuesi i kombëtares sonë ka konfirmuar gjithçka, duke folur në emisionin “Ruski Bar” në Supersport.
“Po, është e vërtetë që Rizespori po flet me Levanten dhe bisedimet vazhdojnë. Unë jam në pritje, kam lënë gjithçka në dorë të klubeve. Jam i lumtur në Spanjë, por nuk i dihet të ardhmes. Të shohim”, ka deklaruar Sadiku nga Elbasani, ku është duke kaluar pushimet, pranë familjes.