Ruçi: Ja si ia dola përballë Prognit, na ka bërë mirë Ahmataj dhe… Kastrioti!

Shkëlzen Ruçi u tregua deçiziv në penalltinë e pritur ndaj Prognit, çka i lejoi Luftëtarit të ruante avantazhin dhe të siguronte fitoren. Portieri i ekipit gjirokastrit ka folur pas ndeshjes në emisionin “Gol pas Goli” në “Supersport”, duke analizuar fitoren, pritjen e penalltisë dhe garën për mbijetesë.

PENALLTIA – “Normalisht, gjithmonë kam punuar që të pres penalltitë. Jam stërvitur fort dhe kritika ka për të gjithë, jo vetëm për mua. Ndeshja e sotme ishte shumë e mirë dhe besoj se ishte një meritë e të gjithë kolektivit.”

MBIJETESA – “Humbja me Kastriotin ishte një zgjim për ne. Me ardhjen e profesor Julit çdo gjë është rregulluar. Luftëtarin e keni parë dhe vjet, një ekip shumë i mirë dhe që shkoi në Europë. Këtë sezon i kemi kualitetet për të mbijetuar dhe besoj se çdo gjë do të shkojë mirë për ne.”

AHMATAJ – “Me ardhjen e profesorit, shumë gjëra janë rregulluar. Edhe nga ana e drejtuesve, gjërat janë rregulluar realisht shumë. Që kur ka filluar gjysma e dytë e sezonit, çdo gjë është OK.”

PROGNI & OBJEKTIVAT – “Isha përballë Prognit kur kishte topin në dorë. E pashë në sy se ku do të gjuante dhe e prita deri në momentin e fundit. Pastaj, ishte thjesht fat. Kemi marrë shumë penallti kundër dhe kjo ishte e para që prita (qesh). Ishte një ndeshje shumë e fortë përballë një ekipi që për mendimin tim ka cilësi për kampion. Do të synojmë të shkojmë sa më larg edhe në Kupë, edhe në kampionat.”

Leave a Reply

Your email address will not be published. Required fields are marked *