Rrugëtimi i Dino Shpehar: kalvari i dëmtimeve, Pejiç dhe “shpëtimi” nga Superiorja

0

Shpesh një futbollisti i duhet të mbajë barrën e familjes nga rrjedh. Një prej atyre është edhe Dino Shpehar, sulmuesi këmbëshpejtë i Kukësit. Djali i Robert Shpehar, i cili ishte futbollist i kombëtares kroate, si dhe tre herë golashënuesi më i mirë i kampionatit kroat me fanellën e Osijekut, po provon Superioren.

MBËSHTETJA NGA BABAI – “Jam shumë mirënjohës ndaj tij, më ka ndihmuar shumë dhe është shoku im më i ngushtë, njeriu i parë që më këshillon dhe ai që u ndje më i lumturi që unë gjeta ekip. E di që ka shumë besim tek unë dhe nuk do ta zhgënjej, atë dhe familjen time, po ashtu dhe menaxherin Danko Dikiç. Të gjithë më kanë ndihmuar në periudhën time të keqe”, shprehet Shpehar për “100posto.hr”.

Robert Spehar | Foto: Vlado Kos / Cropix

Nga ai pritej shumë, pasi është gati-gati një detyrim për të që të paktën të ndjekë hapat e të atit. Dino Shpehar është krenar për atë që ka arritur babai dhe gjyshi i tij, ndërkohë që nga ana tjetër nuk e sheh si presion për të diçka të tillë, por si një arsye për t’u motivuar edhe më shumë për të luajtur në nivele të larta.

Është disi larg këtij objektivi, por është akoma vetëm 24 vjeç dhe duket Kukësin e sheh si një trampolinë për t’u rikthyer sërish në Kroaci. Për të thënë të vërtetën edhe fati ka ndikuar në karrierën e kroatit, i cili ka pësuar shumë dëmtime. Dikur Dino ishte një nga lojtarët më të mirë të Dinamos së Zagrebit. Së bashku me Marko Pjacën bënin “ligjin” në futbollin e moshave në Kroaci.

Zdravko Mamic dhe Dino Spehar. Foto: Ronald Gorsic / CROPIX

DINAMO – “Nuk arrita të merrja një shans te Dinamo e Zagrebit, megjithëse mendoj se e meritoja, pasi isha një ndër dy më të mirët e akademisë. Konkurrenca ishte e ashpër atje në atë kohë, ndryshe nga tani që i besohet shumë të rinjve. Tani e gjithë baza e Dinamos përqendrohet te të rinjtë, flas për ekipin e parë gjithmonë”.

Në momentin që Shpehar kaloi te Lokomotiva e Zagrebit për të marrë minuta më shumë, erdhi dëmtimi i rëndë. Qëndroi jashtë fushave për gjashtë muaj dhe pasi u rikuperohet nga dëmtimi luajti vetëm dy ndeshje. Sërish dëmtim për të.

Dino Spehar me fanellën e NK Istra | Foto: Goran Sebelic / CROPIX

Ishte Igor Pamiç, trajner i Istrës në sezonin 2014-15, ai që e riktheu talentin Shpehar të kishte minuta dhe të luante një sezon të plotë si titullar i padiskutueshëm. Pas luajti me Istrën, u transferua në Split, tek RNK Spliti. Por dëmtimet ishin përsëri armiku kryesor i tij dhe nuk mundi të bëhej protagonist. Në dy sezone shënoi vetëm dy gola.

Dëmtimet si dhe gjendja psikologjike e kroatit e bënë që sezonin e shkuar të largohej drejt Rumanisë. Një sezon i plotë, vetëm 227 minuta të luajtura dhe një tjetër vit zhgënjyes. Vera e këtij viti, duket se solli dritën në fund të tunelit për Shpehar, i cili vendosi të vinte në Shqipëri, konkretisht te Kukësi.

Goli i shënuar ndaj Flamurtarit, i jep akoma më shumë besim se ndoshta tashmë gjërat janë siç duhet. Pas plot 3 viteve, Dino Shpehar, është rikthyer të tundë rrjetën, pasi goli i tij i fundit datonte në 25 korriku të vitit 2015.

EKSPERIENCA NË SHQIPËRI – “Ndihem në formë dhe për të parën herë pas shumë vitesh ndihem i fortë, si fizikisht ashtu dhe mendërisht. Jam pjekur shumë dhe ky do të jetë sezoni im. Klubi është nga qyteti i Kukësit, por këtë sezon nuk luajmë atje si pasojë e stadiumit dhe nuk më është dhënë ende mundësia për të vizituar qytetin. Jetoj në Tiranë, sepse nuk kemi një stadium të përhershëm. Por gjithsesi tifozët tanë janë të pranishëm. Qyteti dhe njerëzit më pëlqejnë, ka shumë restorante të mira dhe qendra e Tiranës është shumë e bukur, më kujton shpesh Splitin. Jam i surprizuar nga kualiteti që ka kampionati”.

USHQIMI – “Kanë ushqime shumë të ngjashme me ne, por kanë edhe disa gatime tradicionale. Një ditë përpara ndeshjes në darkë zakonisht konsumoj trileçe”.

PEJIÇ – “Ai ka një eksperiencë të madhe në Shqipëri. Ka qenë shumë herë golashënuesi më i mirë këtu dhe ka fituar kampionatin me Kukësin. Pero ka shënuar më shumë se 100 gola në kampionatin shqiptar dhe kjo është diçka për t’u vlerësuar. Kam folur me të dhe më ka ndihmuar”.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.