Rrëfehet Korenica: Tre golëshi ndaj Tiranës, objektivat dhe trajnerët shqiptarë

0

Vetëm 20-vjeç, por me klasin e një kampioni. Një yll i ri po rritet te Prishtina, në Superligën e Kosovës. Meriton Korenica i mahniti të gjithë në miqësoren ndaj Tiranës, ku shënoi tre golat e fitores 3-1. Talenti ishte spikatur më parë nga Bledi Shkëmbi, i cili i dha mundësinë të evidentohej te Liria e Prizrenit, ndërsa tashmë rritja me trajnerin Mirel Shkëmbi. Sulmuesi i përfaqësueses Shpresa të Kosovës rrëfeu emocionet, objektivat e sezonit të ri dhe vlerësoi trajnerët, të cilët po arrijnë t’i marrin më të mirën.

GOLAT NDAJ TIRANËS – “Është një kënaqësi e madhe t’i shënosh Tiranës tre gola. Dua të falenderoj edhe shokët e skuadrës, pasi realizuam një ndeshje shumë të mirë. I shfrytëzuam rastet dhe regjistruam një fitore shumë të rëndësishme për vazhdimin e kampionatit dhe finalen e Superkupës që e luajmë javën tjetër. Kjo na jep një motiv shtesë dhe të përgatitemi sa më mirë për ndeshjen e ardhshme”.

OBJEKTIVAT – “Edhe pse dështuam në ndeshjene  dytë në Europa League besoj shumë te kjo skuadër. Shpresoj që t’ia dalim në kampionat, për të fituar titullin, por edhe Kupën”.

SHKËMBI DHE JOSA – “Është kënaqësi e madhe të drejtohesh nga një ish-lojtar i madh si Bledi Shkëmbi dhe tashmë nga një trajner si Mirel Josa. Për mua është kënaqësi dhe në të ardhmen ndoshta takohemi, sepse në futboll gjithçka ndodh”.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.