Rosi refuzon Shqipërinë për Greqinë, Bushi zëvendëson Hebajn

0

Zhvillimet në kombëtaren U21, teksa trajneri Alban Bushi është detyruar të bëjë një ndryshim në sulm. Rubin Hebaj është dëmtuar dhe humbet grumbullimin për sfidat me Turqinë dhe Andorrën. Trajneri i Shpresave e gjen zgjidhjen në Superiore, pasi ka ftuar Redon Xhixhën e Laçit. Ka edhe një problem tjetër, pasi Leonidas Rosi ka refuzuar ftesën dhe do të luajë për Greqinë.

“Përshëndetje të gjithëve, ndryshime në listën e Shqipërisë U-21. Ditën e sotme lista e lojtarëve të grumbulluar për dy ndeshjet zyrtare eliminatore të U21 kundër Turqisë dhe Andorrës ka pësuar dy ndryshime. Sulmuesi i Partizanit, Rubin Hebaj ka pësuar një dëmtim dhe nuk do të jetë pjesë e këtij grumbullimi duke u zëvendësuar nga sulmuesi i Laçit, Redon Xhixha.

Ndryshimi i dytë ka të bëjë me mbrojtësin Leonidas Rossi të cilit i është dërguar ftesë zyrtare nga trajneri Alban Bushi për grumbullimin duke e pranuar këtë ftesë. Ditën e djeshme lojtari është njohur me listën e shpallur nga U-21 e Greqisë dhe ka refuzuar grumbullimin me Shqipërinë. Trajneri Bushi ka marrë kontakt me babanë e lojtarit i cili është shprehur se qëndrimi tyre ka ndryshuar dhe lojtari ka zgjedhur të përfaqësojë Greqinë”, njofton FSHF.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.