Ronaldo vijon lojërat, një mesazh me shumë pikëpyetje

Një ditë para startit të Kupës së Botës, Kristiano Ronaldo bën lëmsh mediat dhe tifozët, falë një postimi në Instagram. Portugezi ka publikuar një vizatim ku shfaqet në dy versione: i pari, Ronaldo me fanellën e Portugalisë me numrin 7, i dyti, Ronaldo me një fanellë të zezë dhe me pikëpyetje në vend të numrit, ndërsa emri i tij është transformuar në Ronaldon’t (Ronaldo, mos!).

Çfarë kuptimi ka? Mesazh për merkaton, apo thjesht gjetje publicitare? Duhet theksuar se postimi ka brenda edhe sponsorin Nike, ndërsa titullohet: “Beteja në mendjen e Kristiano Ronaldos”. Për kuriozitet, Nike sponsorizon edhe PSG-në dhe Mançester Junajtid.

Në Spanjë gjejnë lidhje të tjera: postimi i Ronaldos vjen një ditë pas emërimit të Lopeteguit në stolin e Realit. Trajneri spanjoll pak kohë më parë e kishte quajtur Mesin “Lojtari më i mirë në histori” dhe Ronaldon “Kundërshtari më i mirë i mundshëm për Mesin”.

Ndërkaq, Reali pret, sepse ia ka bërë ofertën: rinovim me 25 milionë euro në sezon, plus 7,5 milionë në bonuse. Ronaldo vetë shkruan “Coming soon”.

In my mind, there’s only one winner. Believe. #justdoit @nikefootball

A post shared by Cristiano Ronaldo (@cristiano) on

Leave a Reply

Your email address will not be published. Required fields are marked *