Rexhinaldo befason: I lumtur që bashkohem me ekipin

0

Kukësi po përgatitjet për një ndeshje tepër të rëndësishme. Skuadra verilindore do të ndeshet me Teutën në transfertë nesër në mbrëmje. Dëmtimet kanë qenë problemi kryesor i skuadrës kuksiane, pasi veç Rrumbullakut shqetësime kanë pasur dhe Rexhinaldo e së fundmi Shameti.

Nëse mbrojtësi i majtë është e sigurt që nuk do të luajë, pasi ende nuk i është mbyllur plotësisht plaga në gju, në diskutim është prezenca e kapitenit Shameti, si dhe e sulmuesit Rexhinaldo. Në fakt, për lojtarin nga Mozambiku ishte parashikuar që të mos ishte gati për të paktën dy ndeshje, por vetë lojtari ka befasuar me një postim mbrëmjen e sotme në Instagram.

Sulmuesi shprehet i lumtur që ai është bashkuar sot me grupin. Edhe pse duket e vështirë që të jetë nga minuta e parë në Durrës, nuk përjashtohet mundësia që të grumbullohet me skuadrën dhe të ketë minuta në varësi të ndeshjes. “Jam shumë i lumtur që sot u stërvita me skuadrën time”, thotë sulmuesi në postimin e tij.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.