Futbolli është një nga sportet më të ndjekuar në botë. Kuriozitetet, faktet dhe statistikat interesante nuk kanë si të mungojnë. Pikërisht këto “detaje” janë ato që i japin kuptim lojës së luajtur dhe e bëjnë këtë sport, më të bukur.
Pep Guardiola fitoi titullin sezonin e kaluar, me Mançester Sitin. Deri këtu gjithçka është normale, pasi spanjolli ka fituar shumë tituj në karrierën e tij dhe ky me Sitin ishte i radhës. Përpara se Guardiola të fitonte titullin me Sitin, në historinë e kampionatit anglez ekzistonte një “tabu”.
Asnjë trajner pa flokë nuk kishte arritur dot të fitonte titullin në Premier Ligë. E çuditshme, se si, në një kampionat me një histori shumë të gjatë, një fakt i tillë “t’i rezistonte” kohës.
Përveç Mançester Sitit, 48-vjeçari ka qënë trajner i Barcelonës dhe Bajernit. Te bavarezët, që në sezonin e parë , ai arriti të “rrëmbente” plot 4 tituj kampionë.