Ajaksi po i mrekullon të gjithë këtë sezon, me holandezët që përveçse janë në vendin e parë në kampionat, kanë prekur dhe gjysmëfinalet e Champions League, duke eleminuar fillimisht kampionët në fuqi të Realit dhe së fundmi pretendentët kryesorë të Juventusit.
Pikërisht në ndeshjen ndaj Juventusit, golin e fitores në ndeshjen e dytë e shënoi kapiteni Matijs De Ligt. Kështu, 19-vjeçari e çoi në 20 numrin e golave të shënuar nga adoleshentët me fanellën e Ajaksit në Champions League.
Një rekord fantastik ky për holandezët, të cilët kanë një diferencë prej gjashtë golash nga ndjekësi më i afërt që është Barcelona. Lioni plotëson podiumin me 13 gola, ndërsa Arsenal dhe PSG plotësojnë pesëshen e parë.
20 – Matthijs de Ligt’s goal was the 20th for @AFCAjax in the Champions League by a teenager; no other team have more than 14. Future. pic.twitter.com/jeFAR1kkQP
— OptaJohan (@OptaJohan) April 16, 2019