Rapo: Do dalim nga kjo situatë, na ka ndryshuar Mezani

Donald Rapo ishte njeriu i ndeshjes te Luftëtari-Kamza. Vendosi takimin me golin e tij dhe tanimë gjirokastritet e kanë lënë vendin e fundit në klasifikim. Gjithsesi duhen marrë edhe fitore të tjera për të lënë pas krizën e fillimsezonit.

Ditën e djeshme ai ka folur për mediat dhe ka zbuluar se ndryshimi ka ardhur me lëvizjen e bërë në pankinë. “Me ardhjen e profesor Mezanit çdo gjë po funksionon më ndryshe. Çdo javë ekipi po luan më mirë dhe besoj se do të vazhdojmë me këtë ritëm për të dalë nga kjo situatë që jemi tani”, u shpreh lojtari polivalent.

Të shënuarit është një emocion më vete dhe Rapo e shpreh këtë: “Kënaqësi është të shënosh gol. Sa herë kam realizuar e kam ndihmuar ekipin me golat e mi. Kjo është një kënaqësi e madhe. Dedikim për golin? Ia dedikoj vëllait tim që më ka mbështetur gjithmonë”.

Leave a Reply

Your email address will not be published. Required fields are marked *