Milot Rashica është duke përjetuar një nga momentet më të mira të karrierës. Në vitin 2019, ky futbollist sipas një statistike të nxjerrë nga “Bundesliga”, ka shënuar gol në çdo 123 minuta. Më mirë se ky sulmues në Europë kanë bërë vetëm dy yje të futbollit.
Bëhet fjalë për Mbapen, që është pjesë e PSG-së dhe ka realizuar në çdo 83 minuta, por edhe Mesi, që rrjetën e tund pas 86 minutash. Një arritje shumë e madhe kjo për Rashicën, që në merkaton e janarit mund të kërkojë edhe një transferim në ekip më të madh, për të lënë gjurmë në futbollin e Europës dhe në kompeticione si “Champions League”. /Sport Ekspres/