“Qytetar” deri në 2024, Siti gjen akordin e rinovimit me lojtarin

Mançester Siti po punon për përforcimin e ekipit dhe rinovimin e kontratave të lojtarëve. Drejtuesit e “Citizens” kanë vendosur të zgjasin bashkëpunimin me Oleksandër Zinçenkon.

22-vjeçarit ukrainas i përfundonte kontrata në vitin 2021, ndërsa tani ka ardhur rinovimi me tre vite të tjera. Mesfushori, i cili bën mirë edhe mbrojtësin dhe mesfushorin e majtë, ka firmosur deri në vitin 2024 me kampionë e Anglisë.

Gjatë këtij sezoni, Pep Guardiola e aktivizoi në 14 ndeshje futbollistin lindor dhe ky i fundit zhvilloi paraqitje relativisht pozitive.

Mosha e re, potenciali i madh dhe rritja që do të pësojë nën stërvitjet e Pep Guardiolës kanë bindur drejtuesit e Mançester Sitit për të “blinduar” një nga lojtarët më të rinj të kontingjentit.

Leave a Reply

Your email address will not be published. Required fields are marked *