Feronikeli dhe Prishtina vijojnë në distancë luftën për titull. Të dyja skuadrat luanin sot në transferta dhe kanë fituar me rezultatin e ngushtë 0-1. Skuadra nga Drenasi iu fal një goli të shënuar nga Kastriot Rexha që në pjesën e parë.
Për Prishtinën kishte një kundërshtar më të vështirë. Drenica rezistoi deri në minutën e 89-të, kur Khalid arriti të shënonte golin e fitores për skuadrën e drejtuar nga Mirel Josa. Tre pikë të artë për bardhekaltrit, që ruajnë diferencën prej dy pikësh me Feronikelin kryesues.
Ndeshja me më shumë gola ishte ajo mes KEK-ut dhe Flamurtarit. Këta të fundit, edhe pse e panë veten në disavantazh në fillim, arritën që në fund të merrnin pikët e plotë me rezultatin 3-4. Nimani ishte ai që shënoi i pari, ndërkohë që skuadra nga Prishtina barazoi me Shillovën dhe më pas kaloi në avantazh me Bruqin.
Gjithsesi pjesa e parë u mbyll 2-2, pasi Veliu për KEK-un shënoi golin e barazimit. Në të dytën ishte Krasniqi i Flamurtarit që realizoi dy herë dhe i çoi shifrat në 2-4. Në fund pati edhe një gol tjetër, teksa ishte Berisha i vendasve që me penallti shënoi.
IPKO SUPERLIGA – JAVA 14
Drenica-Prishtina 0-1
Shënues: Khalid 89’
KEK-u – Flamurtari 3-4
Shënues: Nimani 7’, Veliu 31’, Berisha 89’ (pen.) / Shillova 10’ (pen.), Bruqi 27’, Krasniqi 47’, 77’
Ballkani-Feronikeli 0-1
Shënues: Rexha 27’