Prezantohet pronari i ri, Ronaldo: Të gjithë bashkë për Vajadolidin

Tashmë është zyrtare dhe Ronaldo është bërë aksioneri kryesor i klubit spanjoll të Vajadolidit. Ish-sulmuesi i famshëm brazilian ka arritur të blejë 51% të aksioneve të klubit dhe do të zgjidhet presidenti i bordit drejtues, ndërsa Karlo Suarez do të vazhdojë të mbajë postin e presidentit të klubit.

Ronaldo është prezantuar te Vajadolid dhe ka shpalosur idetë e tij, duke ftuar tifozët dhe gjithë qytetin të mbështesin planin e ri për ngritjen e klubit në nivele të larta.

“Unë do të jem presidenti i bordit drejtues dhe puna jonë do të bazohet në konkurrencë, punë dhe transparencë. Kemi krijuar një ekip konkurrues dhe do të kemi një program të qartë social në të gjitha veprimet tona, sepse nuk duam t’i harrojmë tifozët tanë.

Dëshiroj që çdokush të bëhet pjesë e klubit dhe ftoj gjithë qytetin të marrë pjesë në këtë projekt. Tifozët duhet të jenë pjesë e së tashmes dhe e ardhmja e Vajadolidit. Qyteti ka një potencial të pabesueshëm dhe do të përpiqem të vë të gjithë aftësitë e mia futbollistike në dispozicion të lojtarëve nëpërmjet një menaxhimi efikas”, përfundon ish-topi i artë dhe Kampioni i Botës me Brazilin.

Leave a Reply

Your email address will not be published. Required fields are marked *