Presioni i Kontes jep efekt, Interi afër goditjes së dyfishtë

0

Antonio Konte foli troç gjatë prononcimit të djeshëm përpara miqësores kundër Mançester Junajtid, duke nxitur klubin që të veprojë më shpejt dhe të arrijë objektivat e vendosura në merkato.

Romelu Lukaku mbetet synimi i madh dhe fjalët e trajnerit kanë dhënë efekt. Times raporton se zikaltrit kanë rritur ofertën për sulmuesin belg, i cili është gjithnjë e më afër transferimit në Serie A.

84 milionë euro (67+17 në formë bonusesh) është oferta e fundit e Interit për gjigantin e sulmit. “Djajtë e kuq” duan 80 milionë sterlina, por diferenca mes ofertës dhe kërkesës është e vogël dhe marrëveshja finale mund të vijë shumë shpejt.

Afër është akordi me Romën për transferimin e Edin Xheks tek ekipi i Kontes. Boshnjaku është një tjetër preferencë e trajnerit leçez, që i pret me padurim Xhekon dhe Lukakun.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.