Sezoni i ri i Premierligës angleze do të nisë të premten e 10 gushtit, me duelin ku Mançester Junajtid do të presë në “Olld Traford” Lestërin në orën 21:00. Përballja e skuadrës së Zhoze Murinjos me “dhelpërat” do të jetë ndeshja e parë që do të transfetohet për sezonin 2018-2019 në Angli.
Në këtë mënyrë, Lestëri do të zbresë në fushë për herë të dytë radhazi në takimin hapës të sezonit në Premierligë, pasi edicionin e kaluar luajtën përballjen emocionuese me Arsenalin, që u fituan 4-3 nga “topçinjtë”.
Të shtunën do të luhen pjesa më e madhe e ndeshjeve, ku spikat sfida ndërmjet Njukasëll dhe Totenham, ndërsa dueli më i bukur i javës së parë është padyshim ai që do të zhvillohet të dielën në Londër, ku trajneri Unai Emeri do të debutojë me Arsenalin përballë kampionëve në fuqi të Mançester Sitit.
Premierligë/ Java I
10 gusht
21:00 Mançester Junajtid-Lestër Siti
11 gusht
13:30 Njukasëll-Totenham
16:00 Burnemuth-Kardif Siti
16:00 Fulham-Kristal Palas
16:00 Hadërsfilld-Çelsi
16:00 Uotford-Brajton
18:30 Volverhempton-Everton
12 gusht
14:30 Liverpul-Uest Hem
14:30 Sauthempton-Bërnli
17:00 Arsenal-Mançester Siti