Politika shfrytëzon sportin, Batatina ka reagim brilant: E shtroi Fadil Vokrri, ne ecim me BMW tani

Kadri Veseli ka hedhur kadidaturën e tij për kryeministër në Kosovë, pasi hoqi dorë fillimisht nga posti i kryetarit të Kuvendit. Politikani shqiptar ka përdorur lojtarët e përfaqësueses së Kosovës për një spot publicitar, duke përdorur imazhin e tyre për fushatën e tij politike.

Ndërkohë, presidenti i Federatës së Futbollit të Kosovës, Agim Ademi, do të shprehej për Veselin me fjalët :

“Ky njeri iu ka shtruar rrugën. Njeriun që kemi këtu, me atë rrugën që e kemi nisur, vazhdimisht na ka ardhur mbrapa”.

Një kundërpërgjigje për këto fjalë ka ardhur nga trajneri i njohur shqiptar, Batatina, i cili shprehet se i vetmi që ka shtuar rrugën e futbollit, është pikërisht ish lojtari i njohur dhe presidenti i përjetshëm i FFK-së, Fadil Vokrri.

“Nëse dikush e ka shtruar rrugën e futbollit është vetëm një njeri dhe legjendë që nuk do të vdes asnjëherë, e ai është Presidenti, Fadil Vokrri. E ne të tjerët, e kemi gjetur rrugën e shtruar në mënyrë të gatshme, vetëm po udhëtojmë me BMW në të!!! URIME KOSOVË”, ka shkruar Batatina./Sport Ekspres/

Leave a Reply

Your email address will not be published. Required fields are marked *