Përfundimi i pushimeve nuk ka qenë ashtu si pritej për Kristiano Ronaldon, pasi ylli portugez duket se është në telashe pa fund me drejtësinë spanjolle, që ka kohë që i është vënë pas për evazion fiskal.
Sot hola.com raporton se efektivë të Agjencisë të Tatimeve dhe Doganave kanë vizituar jahtin e Ronaldos, në Formentera, ku ylli i Realit po kalon pushimet me miqtë, familjen dhe të dashurën e vet, Xheorxhina Rodrigez, e cila është shtatzënë.
Jahti u mbulua me një tendë për të evituar fotot dhe filmimet nga jashtë, ndërsa policia kontrolloi dokumentacionin që kërkonte të shihte.
Vetë Ronaldo nuk e prishi terezinë, duke pritur me qetësi që policia të mbaronte punë dhe të largohej, pa folur për asnjë moment.
