Peter Pacult flet për futbollin shqiptar: Atje nuk kishte mafia, presidentët nervozohen shpejt

Peter Pacult ka folur në mediat austriake mbi aventurën që ai kaloi në Shqipëri. Trajneri austriak ka drejtuar për një periudhë të shkurtër ekipin e Kukësit, me të cilët u rendit në vendin e dytë në kampionatin shqiptar. Pacult tregon se në Shqipëri nuk ekziston mafia dhe se është një vend ku mund të punosh normalisht, ndërsa ka thënë se është në natyrën e ballkanasve që të nervozohen lehtë. Njerëzit janë shumë miqësor, por vendi është i varfër, shton ish trajneri i Kukësit.

“Kështu funksionon në Ballkan, prandaj presidentët nervozohen shpejt. Kur erdha në Shqipëri, kishte një ndalim ndërkombëtar për trukim ndeshjesh. Nuk e dinim çfarë ndeshje ishin. Lojtarët në Shqipëri nuk shqetësoheshin në stërvitje nga mafia, sepse nuk ekzistonte një çështje e tillë. Nuk më është dashur të përjetoj asgjë. Shteti është realisht i varfër. Lojtarët fitojnë sa në kategorinë e dytë të tonën. Njerëzit janë miqësor. Kam punuar atje normalisht, për të paktën gjysmë viti. Por atje nuk kishte mafia”, u shpreh Pakult. /Sport Ekspres/