Minuta e 29-të e lojës, distanca 30 metra. Një predhë nga Xhaneli Imbula dhe një gol i jashtëzakonshëm, i cili i dhuroi Rajo Valekanos fitoren e parë në La Liga-n spanjolle. Goli në debutim, shërben për të kuruar problemet e ekipit, pikërisht në ndeshjen që hapi javën e katërt të kampionatit.
Një kryevepër ajo e ish-lojtarit të Marsejës dhe Stouk Sitit, i cili bën që skuadra madrilene të kalojë krizën e këtij fillimi të sezonit në elitën e futbollit spanjoll. Pas atij episodi, Rajo krijoi një bunker në mbrojtje dhe aq mjaftoi për të siguruar suksesin 1-0.
Well, #LaLiga is certainly back with a bang. Giannelli Imbula on his debut for @RayoVallecano and it is a stunner. It’s @SDHuesca 0 – Rayo 1. How’s THAT to start your football packed weekend? #PUREFOOTBALL pic.twitter.com/icE6QDI0Gy
— Eleven Sports (@ElevenSports_UK) September 14, 2018
Edhe pse vendasit e Hueskas provuan me të gjitha mënyrat të shënonin, në fund nuk i’a dolën të evitonin disfatën përballë publikut të tyre. Me këtë rezultat, vazhdon seria negative e ekipit të trajnerit Franko, që pësoi humbjen e dytë sezonale, pas turpërimit 8-2 nga Barcelona.