Pasioni napolitan nuk jep efekt, Hames vendos për të ardhmen

0

Hames Rodrigez është ëndrra e madhe e Napolit, por dëshira për të jetuar në Madrid e tundon më shumë se pasioni unik i popullit napolitan. E ardhmja e fantazistit kolumbian është mes nënkampionëve të Italisë dhe Atletiko Madrid.

“Marca” raporton lajmin e bujshëm se Hames ka marrë një vendim. Ai dëshiron të transferohet tek Atletiko Madrid, “armiqtë” e të njëjtit qytet. Real Madrid zotëron kartonin e tij dhe nuk pranon huazim.

“Colchoneros” nuk i kanë problem paratë, janë gati të paguajnë Realin dhe t’i plotësojnë çdo dëshirë 28-vjeçarit latin. Insistimet e Karlo Ançelotit dhe entuziazmi i tifozëve të Napolit nuk kanë dhënë efekt, pasi Hames nuk dëshiron të lëvizë nga kryeqyteti spanjoll.

You might also like

Leave A Reply

Your email address will not be published.