Partizani i dërrmuar drejt Korçës, Batha e Trashi duhet të kthehen patjetër

Humbje, polemika, akuza, sherr me tifozët… Te Partizani ndodh ajo që ka ndodhur shpesh këtë sezon, por të kuqtë nuk kanë kohë që të merren me ndeshjen ndaj Kukësit, ku një karton i kuq për Çulum ndryshoi ndeshjen dhe ndoshta arbitri Kridens Meta mund ta kishte falur serbin për kartonin e dytë të verdhë, të paktën sipas drejtuesve të kuq.

Të premten në mbrëmje luhet Skënderbeu-Partizani, sfida e halleve të mëdha. Skënderbeu është i pari në renditje, por mendjen e ka te Shpata e Damokleut, sepse UEFA pritet ta përjashtojë nga kupat e Europës për 10 vitet e ardhshme dhe vendimi do të vijë pa mbyllur sezoni.

Ndërkaq, Partizani do të jetë pa mesfushorin Çulum, por ndoshta edhe pa të dëmtuarit Kalari e Telushi.

Për fat, kthehet Progni nga pezullimi, por klubi do të detyrohet të paguajë për të fshirë dënimin e mbetur për Bathën e Trashin. Konflikti me FSHF-në është i njohur, por tashmë Partizani nuk e ka luksin që të lerë pa shlyer dënimin e dy titullarëve, vetëm për inat të federatës.

Leave a Reply

Your email address will not be published. Required fields are marked *