Parma-Ankona, një pasdite e bukur… bastesh

0

Parma legjendare e viteve më parë tashmë po tenton të rilindë dhe nga Seria D ka shkuar tashmë në Lega Pro, divizioni i tretë.

Aktualisht Parma është e dyta, në play-off, sepse Venecia e ka fituar kampionatin. Kjo do të thotë se tashmë mendja është te faza play-off, por a justifikohet një ulje totale mobilizimi, deri në atë pikë sa brenda në “Tardini” të triumfojë Ankona 2-0?

E fundit në renditje, në krizë financiare, me autobus brenda dite deri në Parma, Ankona bëri mrekullinë, duke shënuar dy herë në pjesën e dytë, goli i dytë në minutën e 93-të.

Mrekulli? Jo dhe aq, sepse në Ankona e në Napoli, por edhe në komunën e Pocuolit në Napoli, plasën bastet. Ankona kuotohej rreth 15, një çmenduri, por në një pallat në Pocuoli kishin vendosur gjithë familjet nga pak euro për fitoren 2-0, rezultat i saktë që kuotohet nga 65 deri në 130!

Rreth 30 mijë euro u fituan vetëm në një pallat, por shifra më të mëdha u fituan nga ata që luajtën fitoren e Ankonës.

Parma sot proteston dhe hedh poshtë çdo akuzë, por realiteti flet vetë: nuk ka mundësi që qindra persona të çmenden dhe të vendosin baste të tilla. Njësoj si të turreshin të gjithë te Milan-Palermo 2-sh të dielën: a nuk do të ishte absurde sikur gjithë Italia të vendoste bast vetëm për Palermon dhe fitoren me rezultat të saktë.

PËRGJIGJU

Please enter your comment!
Please enter your name here