Paqe midis Nejmar dhe PSG, braziliani shkel në Paris

Marrëdhëniet midis klubit të PSG-së dhe Nejmar po shkojnë drejt normalizimit. Media francez e “RMC” raporton se braziliani është paraqitur ditën e sotme në ambientet e kompleksit stërvitor të kampionëve të Francës.

Një javë më parë PSG dënoi mungesën e yllit brazilian në grumbullimin e parë të sezonit, duke paralajmëruar se ndaj tij do merren masa ndëshkimore. Nejmar ndodhej në vendlindje ku po merrej me disa aktivitete me sponsor të ndryshëm dhe me turneun e tij të famshëm “Neymar Junior 5”.

Pas pak ditësh PSG do të niset drejt Shteteve të Bashkuara të Amerikës, ku do të marrë pjesë në turneun miqësor “International Champions Cup”.

 

Leave a Reply

Your email address will not be published. Required fields are marked *