Panuçi “peshkon” te Shpresat, gjiganti i sulmit kalon te Kombëtarja A

0

Kristian Panuçi ka afruar në kombëtare një tjetër sulmues. Duke parë problematikat para ndeshjes me Skocinë, tekniku italian ka marrë nga Shpresat Albion Ademin. Sulmuesi 19-vjeçar ishte grumbulluar me Shqipërinë U21 për miqësoret me Maltën, por e ka lënë grumbullimin.

Kështu, veç Manajt e Bekim Balajt, Panuçi tashmë do të ketë edhe një tjetër sulmues në dispozicion. Ademi është pjesë e Inter Turku në Finlandë dhe sezonin e fundit ka arritur të shënojë 4 gola.

Ai është aktivizuar në 25 ndeshje, 15 prej të cilave i ka nisur nga minuta e parë. Ky është grumbullimi i parë me Shqipërinë e madhe, ndërkohë që më parë ka luajtur me Finlandën U17 dhe U19.

Kjo është lëvizja e dytë në hyrje për sot, pasi Elhan Kastrati është ftuar për të zëvendësuar Alban Hoxhën. Ermir Lenjani ka lënë grumbullimin dhe për momentin nuk ka ndonjë emër për ta zëvendësuar.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.