Peter Pakult ka dalë sot në konferencë për shtyp para ndeshjes që do të luhet të shtunën kundër Laçit, duke folur për vështirësitë e skuadrës së tij në ndeshjet shtepiake, gabimet mbrojtese, Shkodrën dhe pezullimin e Bakaj.
VUAJTJET NË KUKËS – “Çdo ekip që vjen në Kukës mbrohet së pari dhe na krijon pak problem. Nëse arrijmë si me Tiranën të shënojmë më shpejt, e kemi më të lehtë pastaj të gjejmë hapësira në zonën kundërshtare. Rezultati 0-0 u jep mundësi kundërshtarëve të bëjnë lojën që duan ata”
SHKODRA NË STOL NDAJ PARTIZANIT – “Thjesht zgjedhje taktike. Menduam që të kishim një lojtar në stol i cili mund të na e ndryshonte ndeshjen dhe ashtu ndodhi.
PEZULLIMI I BAKAJ -” Ai është dënuar dhe duhet të vendosim një lojtar tjetër në vend të tij. Është lojtar i rëndësishëm, por ato gjeste nuk duhen bërë”.