Pak hapësira te Skënderbeu, sulmuesi mediton largimin

Skënderbeu bëri disa afrime në verë, por të paktë janë ata që kanë gjetur hapësira. Dejvi Bregu, normalisht projektohej lider dhe po mundohet të ndihmojë skuadrën e tij në arritjen e objektivave. Oto Xhon, Kaba Sambou dhe Guexh gjithashtu kanë pasur minuta, kurse së fundmi nisi të luajë titullar edhe Saliou Guindo.

E njëjta vlen edhe për Realdo Filin, i cili në tre ndeshje të muajit dhjetor ka luajtur në fillim. Fieraku i krahut të sulmit u mor me vonesë dhe iu desh kohë të fitonte formën sportive, por nuk është i kënaqur me minutat e marra.

Nga ajo që mëson “SportEkspres.com”, Fili po mendon largimin nga Skënderbeu. Ai është nën kontratë me korçarët dhe për këtë do të duhet të gjejë një marrëveshje me drejtuesit e klubit, të cilët me shumë mundësi edhe nuk do ta pengojnë.

Fili dëshiron të rikthehet protagonist dhe këtë e ka bërë më së shumti me Apoloninë në fillimet e karrierës. Më pas kaloi te Partizani, ku nuk është se pati shumë hapësira. Vjet në janar iu bashkua Kamzës, që i besoi më shumë. Kur u mendua se Fili do rikthehej, lëvizja për te Skënderbeu duhet se nuk rezultoi e duhura dhe tanimë po sheh për një ekip tjetër ku t’i besohet dhe të ketë mundësinë të tregojë vlerat e tij.

Leave a Reply

Your email address will not be published. Required fields are marked *