Ofertë konkrete, Baloteli pranë rikthimit në Serie A

Mario Baloteli vazhdon të jetë një lojtar i lirë dhe e ardhmja e tij lidhet me Italinë. Oferta e fundit i ka ardhur nga Verona, klub që u rikthye në fund të sezonit të kaluar në Serie A.

Për 28-vjeçarin interesohen edhe Breshia me Fiorentinën. Gazzetta dello Sport nuk jep shifra, por e cilëson ofertën e Veronës si konkrete dhe të rëndësishme, ndërsa sulmuesi mund të rikthehet në vendlindje pas tre vitesh.

Problem mbetet kërkesa e Super Marios për një rrogë sezonale prej 3.5 milionë eurosh, megjithëse Verona ka treguar në të kaluarën se mund të arrijë akorde me lojtarë si Toni, Kasano apo Rafa Markez.

Leave a Reply

Your email address will not be published. Required fields are marked *