Nuk e dinë pozitën që ka në Shqipëri, tifozat e Celtic mahniten pas Metës si…futbollist

Para disa kohësh Ilir Meta i habiti të gjithë me faktin se ishte një tifoz i skocezëve të Celtik, madje i është bashkuar tifozëve të klubit dhe ka kënduar së bashku me ta në mbështetje të ekipit nga Glasgow. Por këtë herë presidenti i Shqipërisë ka marrë edhe vëmendjen e një prej grupeve të tifozerisë së Celtik-ut, të cilët kanë shpërndarë në “Twitter” një postim të Metës me të cilin ky i fundit përshëndet nga bregdeti i Durrësit gjithë tifozët e ekpit skocez.

Bëhet fjalë për grupin “Largs Brigade”, që kanë postuar një video ku shfaqet Ilir Meta me fanellën e Celtij veshur dhe duke xhongluar topin. Tifozët skocezë vlerësojnë kualitetin e pastër të presidentit shqiptar, megjithëse në postimin e tyre e kanë ngatërruar postin shtetëror të zotit Meta, duke e cilësuar si Kryeministrin e Shqipërisë. Gjithsesi “Largs Brigade” nuk ka ngurruar ta vlerësojë tifozin e ri të Celtik./Sport Ekspres/