Një Princ në Las Palmas, rilindja e Boatengut

0

Reali i Madridit mori me fat një barazim dje ndaj Las Palmasit, që kryesonte 3-1 deri afër fundit të takimit. Brenda në “Santiago Bernabeu”! Me një protagonist që pakkush e imagjinonte: Kevin-Prins Boateng.

E thërrasin “Princi”, në Spanjë ka rimarrë kurorën dhe tifozët e adhurojnë si mbret, atë që e kishte humbur prej vitesh, sepse talenti nuk i ka munguar kurrë. Ish-mesfushori i Hertës, Totenhemit, Dortmundit, Portsmuthit, Milanit e Shalkes tashmë ka rigjetur vetveten në Ishujt Kanarie. Lojë e një niveli shumë të lartë, pasime e gola, plot 7. I fundit dje në Madrid, që ka konfirmuar ringjalljen e një futbollisti klasi, por që e ka shkatërruar vetë karrierën e tij.

“Kalimi te Totenhemi ishte hapi i madh në karrierë, por nj muaj pas transferimit trajneri Martin Jol më tha që nuk më kishte në planet e tij. Aty mendova: nëse nuk luaj, po e kërkoj lumturinë me para, në klubet e natës. Kam shpenzuar një mal me para, në alkool, makina e rroba”, rrëfen me keqardhje Boateng, i cili gjithsesi ka ditur të ringrihet dhe në Las Palmas ka rigjetur qetësinë shpirtërore dhe kënaqësinë e të luajturit futboll.

“Këtu zbavitem, luhet pa presion, ka shumë hapësira e shënoj më shumë. Po jetoj në mënyrë të thjeshtë, zgjohem në mëngjes dhe shkoj në stërvitje i veshur me rrobat e stërvitjes. Tani Las Palmasi kërkon ta mbajë, por ofertat nuk i mungojnë. “Rrugaçi” është bërë një pikë referimi për shokët e skuadrës në Spanjë: “U them që të mos e çojnë dëm talentin dhe të mos bëjnë gabimet që kam bërë unë”. Ganezi është ende shumë i ri, por ka provuar gjithçka, në kampionatet më të forta të botës, duke kaluar nga Princ në Mbret në Las Palmas.

PËRGJIGJU

Please enter your comment!
Please enter your name here