Pritej një numër shumë më i madh tifozësh sot në “Selman Stërmasi”, për sfidën mes Partizanit e Botevit në Europa League, por orari 17.00 dhe temperaturat mbi 33 gradë kanë trembur shumë tifozë.
Nuk mungojnë si zakonisht Guerrilsat, që po mbajnë gjallë atmosferën, por shumica e vendeve në stadium janë bosh.
Me siguri Partizani zgjodhi “Selman Stërmasin” pikërisht për të pasur mbështetjen e tifozerisë, por nëse do të luhej në mbrëmje me drita, në Elbasan, do të ishte ndoshta më komode për shumë tifozë. Natyrisht, ndriçimi i “Selman Stërmasit” është një problem madhor i këtij stadiumi, që nuk ishte evidentuar në të shkuarën, por UEFA e konsideron jashtë standardeve.
