Katër futbollistë të Uest Bromuiç Albionit, skuadër që renditet në fundin e Premier Ligës, janë denoncuar dhe tashmë janë nën hetim, për shkak se kanë vjedhur një taksi në Barcelonë.
Uest Bromi ndodhet në Katalunjë për një grumbullim një-javor, duke qenë se kanë dy javë pushim në kampionat, por duket se 4 futbollistët nuk mjaftohen me pagat spektakolare që marrin, sepse duan të udhëtojnë qyl.
Një taksist i ka denoncuar për vjedhje të makinës së vet dhe të katërt janë detyruar të dalin para gjykatës.
Edhe vetë klubi anglez ka konfirmuar ngjarjen, por nuk ka dhënë detaje se për cilët lojtarë bëhet fjalë.