“Ndihem si në film horror”, Tare rrëfen tmerrin në Itali: I shokuar nga kamionët me kufoma, nuk do jetë më si më parë

Italia është gjunjëzuar përballë pandemisë botërore Covid-19, duke u kthyer në vendin me më shumë viktima nga ky virus vdekjeprurës. Një situatë të tillë nuk po e përjeton aspak mirë as drejtori sportiv i Lazios, Igli Tare. Ky i fundit është i izoluar në shtëpinë e tij në Romë, ndërsa në një intervistë për “Sport1” tregon se e gjitha ngjan me një film horror. Kamionët me trupat e pajetë prej Koronavirusit janë vërtet të tmerrshëm dhe se tashmë kemi të bëjmë me një luftë.

“Jam ndjerë jashtëzakonisht keq. Në fillim, të gjithë e morëm lehtë, pasi ishte i krahasueshëm me dukuritë e virusit Ebola, i cili më pas erdhi çuditërisht shpejt si virusi Corona tani dhe u përhap me një ritëm të ngjashëm. Me kalimin e kohës, ne u bëmë gjithnjë e më të vetëdijshëm për të, pasi pamë numrat e parë në Itali. Situata u bë gjithnjë e më e vështirë. Ne nuk po flasim më për një situatë, por për një luftë. Nëse keni parë kamionët ushtarakë që kalojnë për javë të tëra ndërsa arkivolet me të vdekurit janë hequr, mund të jesh vetëm i tronditur dhe pa fjalë. Dhe numrat që shtohen çdo ditë janë të tmerrshëm. Është një fatkeqësi për të gjithë vendin.

Po, kam qenë vërtet i frikësuar ndonjëherë. Ju dëgjoni një version të ri çdo ditë. Është aq e trishtueshme që duhet të përjetosh diçka të tillë në vitin 2020. Ndihem sikur jam në një film horror. Ne duhet të merremi me të çdo mëngjes sapo ngrihemi. Pasojat e virusit do të ndikojnë në jetën tonë të përditshme në javët dhe muajt e ardhshëm. Jeta jonë nuk do të jetë siç ishte dikur”, është shprehur Igli Tare./Sport Ekspres/