Musolli qetëson Kukësin, ka një prurje në staf

0

Kukësi vijon me përgatitjet për nisjen e sezonit të ri futbollistik. Momentalisht verilindorët po punojnë në kryeqytet, ndërkohë që më 5 gusht do të zhvendosen drejt Mavrovës, në Maqedoninë e Veriut. Së fundmi te Kukësi ka pasur edhe lëvizje.

Trajneri Shpëtim Duro po plotëson stafin e tij. Andi Kulli është përgatitësi atletik që do të jetë pjesë e Kukësit. Më parë ai ka qenë edhe te Partizani dhe Duro e njeh mirë atë. Veç Kullit pritet që të ketë edhe një afrim tjetër në staf.

Kulli (me të kuqe) duke vrapuar së bashku me lojtarët e Kukësit

MUSOLLI – Mesfushori është bashkuar me skuadrën, edhe pse ende nuk ka një njoftim në lidhje me rinovimin e kontratës. Në seancën stërvitore të ditës së mërkurë, Musolli është përplasur me Oumar Kamara dhe e ka lënë stërvitjen para kohe.

Fillimisht ka pasur panik, pasi vjet Musolli qëndroi për muaj të tërë jashtë fushave të blerta për shkak të një dëmtimi në gju, që u shoqërua me një ndërhyrje në ligament. Fatmirësisht për mesfushorin nuk ka diçka shqetësuese dhe gjithçka është në rregull.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.