Murinjo “thumbon” tifozët: Uroj ta shijoni ndeshjen më shumë se javën e shkuar

0

Zhoze Murinjo di gjithnjë si të tërheqë vëmendjen dhe të krijojë lajm, pak rëndësi ka çfarë thotë.

Trajneri i Mançester Junajtid para ndeshjes së djeshme kundër Benfikës “thumboi” tifozët e vet, duke i kritikuar për sjelljen e vet në stadium.

“Uroj që ta shijoni këtë ndeshjes më shumë sesa e shijuan disa prej jush ndeshjen kundër Totenhemit”, shkruante trajneri portugez në shënimin e tij të zakonshëm në revistën e klubit, shpërndarë në stadium para ndeshjes kundër Benfikës.

Mesazhi kishte për qëllim “zgjimin” e tifozëve, pasi atmosfera në Old Trafford nuk ka qenë fantastike këtë sezon dhe fundjavën e shkuar Lukaku u fishkëllye gjatë zëvendësimit, çka e zemëroi pa masa Murinjon. Junajtid po lufton për titull dhe po ecën shumë mirë në Champions, por duket se tifozët jetojnë ende me epokën legjendare të Aleks Fergusonit.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.