Ashtu siç edhe pritej derbi ka dhuruar spektakël në çdo aspekt të mundshëm. Kanë mjaftuar vetëm 11 minuta dhe skuadrat nuk kanë pritur gjatë për të tundur rrjetën. Epërsia e Tiranës zgjati vetëm 4 minuta, teksa të kuqtë gjetën barazimin në minutën e 11, duke i dërguar shifrat në 1-1.
Por ky gol i Partizanit lë vend për dyshime, teksa Solomon shihet në një pozicion që mund të jetë jashtë loje. Topi i grushtuar nga Lika do të përfundonte në këmbët e Solomon, i cili dukej një të ishte para mbojtësit bardheblu, si në momentin kur Romero godet topin, ashtu edhe në atë të grushtimit të portierit kundërshtar. Por gjyqtari nuk e ngriti flamurin, ndërsa pamje të tjera mund ta qartësojnë edhe më tepër aksionin, megjithëse në pamje të parë duket si një pozicion jashtë loje milimetrik./Sport Ekspres/