Miqësore e trofe, Superiorja “ndez motorët” në fundjavë

0

Të dielën nis sezoni i ri futbollistik, teksa në fushë zbresin Laçi e Skënderbeu që përballen për Superkupën e Shqipërisë. Për këto dy ekipe nuk ka miqësore para nisjes së kampionatit, ndaj ky takim është edhe prova gjenerale e këtyre dy ekipeve.

Një ditë më parë, të shtunën, do të ketë miqësore dhe një turne. Teuta dhe Partizani luajnë për trofeun “Pascucci” së bashku me Lirinë e Prizrenit. Nga dy ndeshje që zgjatin 45 minuta do të zhvillojnë dy klubet e elitës së vendit tonë.

Kastrioti ka zgjedhur ta mbyllë me derbi parapërgatitjen për nisjen e kampionatit. Krutanët përballen me Ilirinë e Fushë-Krujës në stadiumin “Redi Maloku”. Luftëtari, që pret Kastriotin, shkon në Ballsh për t’u ndeshur me vendasit e Bylisit.

Miqësore – E shtunë, më 11 gusht
Iliria-Kastrioti (Ora 17:00)
Bylisi-Luftëtari (17:30)
Teuta, Partizani, Liria e Prizrenit (Trofeu “Pascucci”, ora 18:00)

Superkupa – E diel, më 12 gusht
Skënderbeu-Laçi (19:45)

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.