Miliona nga Hong Kongu për Interin, gati dhurata për Spaletin

0

Pak kohë më parë doli lajmi i interesimit të një fondi nga Hong Kongu për blerjen e aksioneve të Interit, ndërsa klubi italian ka zyrtarizuar arritjen e marrëveshjes. “LionRock Capital” ka blerë 31.05% të aksioneve të Interit, që i takonin Erik Tohirit.

Aziatikët i kanë paguar 150 milionë euro indonezianit dhe tashmë janë aksionerit e dytë pas Suning. Interi ka lajmëruar akordin mes Tohir dhe “Sports Capital HK Limited” për rreth 1/3 e aksioneve të klubit zikaltër.

Italianët falënderojnë indonezianin për përpjekjet dhe i urojnë më të mirën, ndërsa i urojnë mirëseardhjen aksionerëve të rinj dhe shpresojnë që ata të ndihmojnë Suning për rritjen e klubit brenda dhe jashtë fushës.

“LionRock Capital” është një fond investimi i krijuar në vitin 2011 në Hong Kong nga Daniel Kar Keung Tseung. Fondi është aktiv në investimet në sektorët e sportit, mjekësi dhe ushqime.

Ne jemi shumë optimistë për perspektivat e rritjes së gjithë sektorëve sportivë dhe, me 110 vite histori dhe ndikim në futboll, Interi ka një potencial të madh për t’u zhvilluar. LionRock Capital do të mbështesë plotësisht objektivin kryesor të Interit për ta bërë klubin një nga markat më të mëdha në botë, brenda dhe jashtë fushës së blertë”, deklaron Daniel Kar Keung Tseung.

Nikolo Barela

Pasi arriti akordin me mbrojtësin Sedrik Soares, Interi është pranë sigurimit të një prej talenteve më të mëdhenj të futbollit italian. Siç raportojnë mediat italiane, Marota është pranë arritjes së akordit me Kaljarin për Nikolo Barelën.

Klubi sard kërkon 50 milionë euro për mesfushorin, ndërsa Interi ka një propozim ndryshe: 20-30 milionë euro kesh dhe huazimin e tre lojtarëve. Të rinjtë Pinamonti, Emers dhe Vanheusden do të kalonin në ishull, por Interi do të ketë të drejtën për t’i riblerë në të ardhmen.

 

 

 

You might also like

Leave A Reply

Your email address will not be published.