Mersinaj futet tek 11-shja ideale, Uzuni shpallet lojtari më i mirë në Kroaci

Lokomotiva e Zagrebit është kthyer si një ekip shqiptar në Kroaci, teksa lojtarët me këtë origjinë janë të shumtë dhe po kthehen në protagonist kryesorë. Madje dy prej tyre janë futur edhe në formacionin ideal dhe 11-shen më të mirë të javës në Kroaci.

Fillimisht për ta nisur me mbrojtësin Mersinaj, që rrallëherë është vlerësuar në këtë mënyrë. Ndërkohë Myrto Uzuni jo vetëm që është pjesë e këtij formacioni, por vlerësohet njëkohësisht edhe si lojtari i javës më i mirë në elitën e futbollit në Kroaci dhe kjo nuk është pak. Sulmuesi i Kombëtares po tregon një vijmësi me nivelin e treguar dhe në rritje nga nisja e kampionatit. /Sport Ekspres/