Merkato dhe “fundi i mallkimit”, Shehi motivon ekipin

Skënderbeu ka filluar stërvitjen prej tre ditësh në “Tropikal Resort”. Kampionët në fuqi i duhet të lënë pas krahëve ecurinë negative të muajit dhjetor dhe trajneri Orges Shehi është shprehur besimplotë që skuadra e tij do të rikthehet te rezultatet pozitive. Në një intervistë për “Supersport”, tekniku i klubit korçar foli dhe për planet e merkatos.

“Kemi kaluar një fund faze shumë të dëshpëruar.  Ishte një muaj i mallkuar për ne dhe u mërzitëm shumë, por besoj se e kemi kaluar tashmë. Ekipi është rikthyer në stërvitje me shumë energji.

Sigurisht që gjatë të gjithë kësaj periudhe kemi qenë në kontakte të vazhdueshme. Por, merkato e dimrit nuk të ofron shumë, por kemi piketuar dy tre lojtarë dhe po presim nga dita në ditë konfirmimin”

“Ne jemi pjesë e një skuadër që vetë rezultatet dhe titujt e dekadës së fundit flasin vetëm. E nisim mirë dhe tani jemi shkëputur pak nga kreu. Çështje të tilla ndikojnë pak të skuadra, por do përpiqemi të bëjmë gjithçka mirë në fushë. E ta presim vendimin në një pozitë të mirë në tabelë”, përfundoi trajneri i Skënderbeut.

Leave a Reply

Your email address will not be published. Required fields are marked *