Më në fund Interi godet, 27 milionë euro për talentin argjentinas

0

Mbyllet me sukses tratativa mes Interit dhe Rasingut për sulmuesin Lautaro Martinez, me drejtorin sportiv zikaltër Piero Auzilio që ishte në Buenos Aires ditët e fundit dhe ka mbyllur blerjen. Talenti 20-vjeçar mund të largohej për 15-20 milionë euro, në bazë të klauzolës në kontratë, por Interi e Rasingu bisduan gjatë, derisa arritën te shifra 27 milionë euro.

Pse nuk e pagoi Interi klauzolën? Përgjigja qëndron te fakti se para pak javësh Atletiko e Madridit thuajse kishte arritur marrëveshjen për blerjen e talentit, por në lojë u fut Interi, që premtoi ofertë më të lartë. Me lojtarin gjithçka ishte kryer me kohë, më pas u bisedua me Rasingun dhe u arrit marrëveshja për kalimin e sulmuesit në Milano prej verës së ardhshme, që është bërë zyrtare nga presidenti i Rasingut, Viktor Blanko, i cili ka folur në Fox Sports Argentina: “Djaloshi ka shprehur dëshirën të luajë për Interin. Shifra i kalon 27 milionë eurot, ndërsa klauzola për prishjen e kontratës 5-vjeçare me Interin do jetë 90 milionë euro

Vetëm 20 vjeç, Lautaro Martinez ka dy vite që shënon lumë golash në kampionat e me kombëtaret e moshave, por presidenti i Rasingut është i bindur se sulmuesi mund të shkojë në Kupën e Botës në Rusi: “Lautaro mund të luajë në Kupën e Botës, e shoh mirë në krah të Mesit. Mund të bëjë si Suarez te Barcelona dhe të shtojë variantet taktike”.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image