Eros Grezda mund të jetë një ndër lojtarët shqiptarë më të pafat. Lojtari i Shqipërisë ishte në merkato, pasi interesi për të ishte goxha i madh. Për sulmuesin kishte interes nga disa klube të futbollit gjerman, por dëmtimi e pengoi të kryente lëvizjen.
Dëmtimi i tij në kyçin e këmbës nuk ishte aq i lehtë, pasi Grezda nuk luajti as me Osijekun në Europë. Më në fund, 23-vjeçari duket se e ka kaluar përfundimisht dëmtimin dhe do të rikthehet në fushën e blertë.
I riu pozon një foto në stilin “Kristiano Ronaldo” duke treguar trupin dhe duke thënë se do të rikthehet shumë shpejt në dispozicion të teknikut të tij. Lojtari la pas vetes një sezon të mirë, por dëmtimi i prishi shumë punë.
