Mbrëmja magjike e Runit, tre gola dhe “goli më i bukur në karrierë”

0

Evertoni mundi mbrëmë 4-0 Uest Hemin dhe në një natë ndodhën shumë gjëra, duke nisur që nga dalja e krizës për klubin nga Liverpuli, te fitorja më e thellë sezonale, prania në tribunë e trajnerit të ardhshëm Sem Allardajs, tre golat e Uejn Runit dhe mbi të gjitha një gol për histori. Sulmuesi i famshëm shënoi me një gjuajtje që nga mesi i fushës në minutën e 66-të, pas një daljeje të guximshme të portierit kundërshtar Xho Hart.

“Nuk mendoj se e kam goditur ndonjëherë topin më mirë se aq në jetën time. Është një ndër golat më të bukur që kam shënuar, nuk e di, ndoshta më i bukuri në karierë. Jam i lumtur që fituam, nuk pësuam gol, luajtëm shumë mirë dhe ishte një dhuratë për trajnerin e përkohshëm Dejvid Ansuërth, i cili e mori drejtimin në një moment të vështirë për klubin”, deklaroi Runi pas ndeshjes. Me 3 golat e djeshëm, Runi u ngjit në kuotën 7 në Premier Ligë këtë sezon, ku ashtu si Evertoni ka vuajtur jo pak, por duket se po vjen kthesa.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image