Makth italian, pas Milanit Bajerni mposhtet edhe nga Interi

0

Bajerni i Munihut e ka mbyllur turneun aziatik me një humbje 2-0 ndaj Interit, në Singapor. Dy gola nga Eder në pjesën e parë vendosën fatet e takimit, me bavarezët që marrin shuplakën e dytë në pak ditë, pas disfatës së thellë ndaj Milanit.

Paraqitje shumë e mirë e Interit, që krijoi lojë e raste, edhe pse ritmin e lojës e diktoi Bajerni, dukshëm superior teknikisht. Kampionët e Gjermanisë nuk luajtën keq, por nuk arritën të krijonin shumë raste për shënim dhe Interi u tregua shumë më i qartë në fushë.

Paraqitje e shkëlqyer nga Eder dhe Zhoao Mario, ndërsa në përgjithësi paraqitja e gjithë skuadrës ishte bindëse, ndaj duket dora e trajnerit Luçiano Spaleti, edhe pse natyrisht janë vetëm miqësore vere, ku impenjimi ndryshon shumë nga ndeshjet zyrtare.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image