Tifozët e Bajernit të Mynihut kanë votuar një mace si “Njeriun e ndeshjes” për Bajernin, pasi skuadra nga Bundesliga fitoi 3-1 në Stamboll ndaj Beshiktashit, duke vazhduar qetësisht rrugën në Champions League. Tiago Alkantara, një autogol i Gonul dhe në fund një gol i Vagnerit i dhanë fitoren Bajernit, që praktikisht luajti një miqësore, sepse ishte kualifikuar që në në Mynih, ku fitoi 5-0.
Në Stamboll në qendër të vëmendjes përfundoi një mace, që mori gjithë lavdinë, sepse arbitri Majkëll Oliver ndali ndeshjen derisa të largohej macja nga fusha dhe aq u desh që në rrjet të plaste humori.
Katze: “Hey Sandro, schieß heute dein erstes ?-Tor!”
Sandro: “O.K.!” ?#MiaSanMiau ? pic.twitter.com/FnOYAN8az9— FC Bayern München (@FCBayern) March 14, 2018
Faqja e Bajernit në Twitter është e jashtëzakonshme, sepse ashtu si gjithë klubet e tjerë gjermanë, poston shpesh statuse plot humor dhe këtë radhë gjetja ishte për Oskar.
Pasi postoi disa mesazhe për macen, Bajerni vendosi të propozonte sondazhin e votimit për më të mirin e ndeshjes, duke vënë në garë Tiagon, Vagnerin, Mylerin dhe… macen!
Natyrisht, tifozët e Bajernit preferuan macen, me shumicë dërrmuese të votave!
Who was your #BJKFCB Man of the Match? ?
— FC Bayern English (@FCBayernEN) March 14, 2018