Një gol nga Roca pa nisur mirë ndeshja dhe një tjetër nga Rapo në minutën e 72-të i kanë dhënë një fitore të artë 2-0 Luftëtarit ndaj Lushnjes, në një finale të vogël në fundin e tabelës.
Lushnja fitoi javën e shkuar ndaj Teutës dhe kërkonte vazhdimësi, por Luftëtari luante në shtëpi dhe ka një skuadër cilësore e me më shumë eksperiencë, që e zgjidhi shumë mirë këtë takim. Gol i shpejtë, lojë mjaft e kujdesshme dhe pritje me qetësi për rastin e duhur për të mbyllur takimin: gjithçka sipas planit dhe gjirokastritët ringjallen, duke u ngjitur në renditje, ndërsa Lushnja mbetet e fundit.
Kategoria Superiore – Java 9
E shtunë, më 4 nëntor, ora 14:00
Luftëtari – Lushnja 2-0
Shënues: Rroca 3′, Rapa 72′
Luftëtari: Ruçi, Rapa, Zeqaj, Beqiri, Zguro, Ramadani, Aleksi (Brahimaj 85′), Rroca (Rapo 66′), Bregu, Abazaj, Lamçja (Përgjini 89′). Trajner: Hasan Lika
Lushnja: Spaho, Meto, Marku, Bufasi, Mone, Gava, Papa (Taullau 59′), Magani (Alushi 83′), Pepa, Canka, Sefa. Trajner: Hysen Dedja
Kartonë të verdhë: Aleksi 40′, Ramadani 88′ / Marku 4′, Gava 40′
Gjyqtarë: Emirion Sino, Orgest Grabova, Enea Pashaj, Olsid Ferataj