Llullaku kthehet në Itali dhe firmos në Serinë B

0

Pas shumë vitesh duke u endur nëpër Europë, Azdren Llullaku kthehet në Itali, në shtëpinë e tij të dytë, sepse aty është rritur si futbollist, por nuk e pati kurrë shansin të luante te profesionistët.

Nuk u dorëzua Azdreni, shkoi në Rumani, ku u bë i rëndësishëm, aq i rëndësishëm sa u bë edhe pjesë e kombëtares sonë, ndërsa i erdhën oferta të rëndësishme. Asnjë gjë serioze nga Italia, ndaj Llullaku zgjodhi Kazakistanin, ku të paktën i garantonin një pagë super, sepse tashmë është 29 vjeç, duhet menduar edhe e ardhmja e largët.

Gjithsesi, Italia i mbeti në mendje dhe kur erdhi oferta nga Virtus Entela para pak ditësh, Llullaku la Turqinë ku po stërvitej me kazakët e Ordabasit dhe mori avionin për në Itali.

Sot prezantimi, anësori ofensiv me ne fund realizon ëndrrën e tij, do të luajë në futbollin e vërtetë, atë që shumë vite më parë nuk e preku dot.

Do të gjejë në Entela edhe Naser Alijin, mbrojtësin kuqezi i cili po kërkon të rikthehet ai i pak kohëve më parë, kur po bëhej anëtar i rëndësishëm i Kombëtares.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image